Turismo bulegoan uztailaren 16tik ari dira egunero bisita gidatuak egiten eta abuztuaren 31ra bitartean egongo da zerbitzu hau, 11:00etan eta 12:30etan. Bisitak bi motatakoak izango dira: monumentalak, erdigunean barrena edo Laboratorium museoarenak. Horiek euskaraz, gaztelaniaz edo ingelesez egin daitezke, baina aldez aurretik museoan izena ematea komeni da 943 76 90 03 telefono zenbakira deituta edota turismoa@bergara.eus helbidera mezu bat bidalita. Horrez gain, Laboratorium museoa eta Turismo bulegoa abuztu osoan zehar zabalik egongo dira astelehenetik larunbatera 10:00etatik 14:00etara goizean eta 16:00etatik 19:00etara arratsaldean. Igandetan berriz, 10:00etatik 13:00etara egongo da zabalik.
