Egubakoitzean igo ziren boluntarioak eta zapatuan erabiltzaileak eta asteburuan "oso ondo" ibili direla adierazi dute. Tertuliak, mendi ibilaldia eta futbol partiduak antolatu dituzte, esaterako. Domekan, bazkaldu aurretik, Legazpiko Zelaia omendu zuten. Urte askotan joan zen bera Degurixako kanpaldira eta inguruko mendietan perretxikoak batzeko ohitura zuela ekarri zuten gogora guztiek. Ekitaldian, aurreskua dantzatu zuten bi gaztek txabolaren ondoko zuhaitzaren aurrean eta Mikel Laboaren Txoriak txori abestu zuten guztiek.