Jon Mujikak laugarren egin du (00:33:29); Xabier Labakak (00:34:41), hori ere bergararra, hamabigarren. Segidan sartu da denbora berdinarekin, Xabier Gordoa oñatiarra. Debagoieneko emakumezko azkarrena, berriz, Bergarako Ziortza Ibaibarriaga izan da (00:42:29). Herrikide Irati Fernandezek (00:48:15) jarraitu dio eta Arrasateko Leire Poyatok (00:51:03), ibarreko hirugarren emakume azkarrena izatea lortu du.
Labaka hirugarren Plentzian
Bestalde, bezperan, zapatuan, jokatu zen Plentziako Badia II. Itsas lasterketa eta Xabier Labaka bergararrak hirugarren postua lortu zuen. 2.700 metroko lasterketan 35:03ko denbora egin zuen. Yoel Pampin getxoztarra izan zen garaile eta Jorge Bedia (Camargo) bigarren sailkatu zen.
