Taldekako erlojupekoa irabazi egin dute neskek eta hirugarren izan dira mutilak Espainiako Txapelketan

Argazkia: Arritxu Iribar.

Baños de Molgas (Galizia) jokatzen dabiltzan Eskolarteko Espainiako Ziklismo Txapelketan hasiera ezin hobea eman diote Euskadiko selekzioarekin diharduten lau debagoiendarrek. Atzo arratsaldean jokatutako taldekako erlojupekoa irabazi egin zuen nesken taldeak eta hirugarren postuak eskuratu mutilen bi taldeek, kadeteek zein infantilek.

Garazi Estebez eta Xubane Garai aretxabaletarrek eta Anne de Pablo eta June Herrera bizkaitarrek osatutako taldeak 12:14,22 denbora egin zuen zazpi kilometroko ibilbidea osatzeko. Haren atzetik bi segundora geratu zen Gaztela eta Leongo taldea eta hemezortzi segundora, Valentziakoa.

Mutilen artean, ostera, Nafarroak irabazi zuen proba 09:53,84 denborarekin; bigarren postuan geratu zen Balear Uharteak sei segundora, eta hirugarrena izan zen Euskadiko taldea, txapeldunarengandik hamalau segundora. Hain zuzen talde horretan dago Aimar Erostarbe oñatiarra.

Infantil mailan, Gari Arexolaleibak brontzezko domina eskuratu zuen taldekako erlojupekoan.

Argazkiak: RFECiclismo.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.