Pause&Play aretoa zabalduko dute Gorbeia merkataritza-gunean

Pause&Play etxeak Euskal Autonomia Erkidegoko hirugarren lokala zabalduko du Gorbeia merkataritza-gunean, Gasteizen. Uztailaren 5ean, ostirala, izango da irekiera ekitaldia (20:00) eta Ismael Dorado saxofoi-jole entzutetsuaren emanaldiak girotuko du. Gonbidatu guztiek kopa bat jasoko dute opari; horrez gain, ezusteko ugari iragarri dituzte.

Pause&Play lokalak bederatzi autonomi erkidegotan daude, eta Gasteizen zabalduko denarekin hiru izango dira EAEkoak; beste biak Durangoko geltokian eta Barakaldoko Max Center merkataritza-gunean daude. Gainera, irekiera proiektu ugari dituzte abian 2018rako.

Aisialdia eta entretenimendua 

Aisialdi eta entretenimendu sektorearen barnean ezagutzeke dagoen mundu berria da Pause&Play, denbora librearen gozamenerako aisialdi guneak fusionatzen dituen espazioa, hain zuzen ere.

Pause&Play lokalek eskaintzen dutena honakoa da: eguneroko errutinatik deskonektatu, pantaila erraldoietan kirolaren emozioa bizi, apustu onenak egin eta konpainia onean garagardoarekin gozatu. Horrez gain, bakarrizketa saioekin, zuzeneko musika kontzertuekin eta beste ekitaldi ugarirekin gozatzeko aukera ere izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.