Etxeratek adierazi duenez bi aretxabaletarren autoa atzealdetik jo zuen haren atzetik zetorren ibilgailuak, kontrola galdu eta gero horrek. Ondorioz, Garcia Arrietaren lagunen autoak bi buelta eman zituen gelditu aurretik: "Zorionez, onik dira biak", jakinarazi dute.
Elkarretaratzeak hiriburuetan
Aurtengo laugarren ezbeharra dela adierazi du Etxeratek; hori horrela, elkarretaratzeak deitu dituzte hiriburuetan, istripua salatzeko eta Garcia Arrietaren senideei eta lagunei elkartasuna adierazteko. Hona hemen deiak:
- Iruñea: Astelehena, hilak 2, 20:00etan, Merindades plazan.
- Bilbo: Martitzena, hilak 3, 19:30ean, Arriagan.
- Donostia: Eguaztena, hilak 4, 19:00etan, udaletxe alboan.
- Gasteiz: Eguaztena, hilak 4, 20:00etan, Andra Mari Zuriaren plazan.
Aretxabaletan ere egingo dute elkarretaratzea, eguaztenean, hilaren 4an, 19:00etan, Herriko Plazan.