Gizonezko bat zigortu dute, Arrasateko ikastetxe bateko komunetan emakume bat grabatzeagatik

Mirari Altube Arrese 2018ko eka. 15a, 14:49

Urtebete eta lau hilabeteko zigorra ezarri diote gizon bati Arrasaten dagoen ikastetxe bateko komunetan neska baten irudiak grabatzeagatik. 1.080 euroko isuna ere ordaindu beharko du.

Onartu egin zuen gertaera akusatuak epaiketan, eta fiskaltzak eskatutakoarekin konforme agertu zen.

Epaian jasotakoaren arabera 2017ko maiatzaren 30ean gertatu zen guztia, 19:10 inguruan, ikastetxe horretako ikasle izandako gizonezkoa "emakumeen komunetan sartu zenean intimitatea urratzeko asmoarekin". Alboko komunean zegoen neskaren "irudiak grabatu" zituen telefono mugikorra "atearen azpiko aldetik sartuta". 

Epailearen erabakia izan da kartzela zigorrik ez ezartzea, datozen bi urteetan antzeko deliturik ez egiteko baldintzarekin.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak