Egitasmoa bi zatitan banatuta dago: gazte udalekuak eta Ihesbidearen Ituna, eta bakarrean edo bietan eman daiteke izena. Gazte udalekuak uztailaren 2tik 6ra izango dira eta prezioa 40 euro da. Egitaraua honako hau da: uztailaren 2an, Mutrikura egun-pasa egingo dute, eta bertan, snorkel-a egingo dute igerileku naturalean. Uztailaren 3an, Garaioko Tourra egingo dute, bizikletan. Uztailaren 4ean, izarrak ikusteko mendi irteera egingo dute. Uztailaren 5ean, Usakora irteera. Eta uztailaren 6an, berriz, Urdaibaira egunpasa, kayakean ibiltzera.
Ihesbidearen Ituna, bestalde, uztailaren 10etik 13ra bitartean egingo dute, eta horren prezioa 20 euro da.
