238 lagun Debagoienetik Lekeitiora

Xabi Gorostidi 2018ko eka. 3a, 11:09

Euskal Eskola Publikoaren jai erraldoiaren 27. edizioa ospatuko dute gaur Lekeition Zapran gagoz lelopean. Debagoieneko guraso elkarteek indarrak batu, eta lau autobus bete dituzte familia giroan egun hau gozatzeko. Autobusera igo aurretik, ordea, familia argazki bat atera dute denek batera.

"Lehen aldia da bailarako guraso elkarte guztiok bat egiten dugula Euskal Eskola Publikoaren jaira joateko. Elgetako, Antzuolako, Arrasateko, Oñatiko, Aretxabaletako, Bergarako eta Eskoriatzako guraso elkarteak, hain zuzen. Guztira 238 lagun eta lau autobus" azaldu du Arrasate Herri Eskolako guraso elkarteko kide batek.

Iaz, Eskoriatzako, Aretxabaletako eta Arrasateko gurasoek batera antolatu zuten jaira joateko autobusa, eta aurten deialdia zabaldu egin dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak