Azken segundoko saskiratzeari esker final-erdietan dira Ointxe! Araskiko neskak

Partidu amaieran jokalariak garaipena ospatzen.

Ointxe Araski taldeko kadeteak sekulako txapelketa egiten dabiltza Huelvan, Espainiako Kadete mailakoan. Partidu amaierako txirrina baino ehunen bat lehenago lortu dute galiziarren kontrako garaipena, eta harmailetara eromena eraman dute (52-51). Final-erdiak, bihar, barikua.

Ointxe Araskik eta Galiziako Celta Zorkak eguerdian jokatutako final-laurdena ez da bihotz arazoak dituztenendako egokiena izan –federazioa streaming bidez zuzenean dabil partiduak eskaintzen–. 

Final-laurdenetako partidua amaitzeko 12 segundoren faltan euskaldunak puntu bat aurretik ziren (50-49) eta galiziarrek hutsartea eskatu dute. Bost segundo baino ez dituzte behar izan markagailuan aurretik jartzeko (50-51), eta Iñaki Ogararen neskek 7 segundo baino ez zituzten finaletarako txartela eskuratzeko. Bada, kantxaren eskuin aldetik eraso jokaldia antolatuta, baloia Iratxe Perezek hartu eta zale euskaldunen artera zoramena eraman duen saskiratzea lortu du (52-51), txirrinak partidu amaiera adierazten duen momentu berean. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.