Prezipitazio handia iragarri dute gaur arratsalderako

Meteorologiako Zuzendaritzak jakinarazi du abisu horia ezarri dutela prezipitazio handiagatik 15:00etatik 21:00etara. EAEko zenbait tokitan 15 litro metro koadroko baino gehiago pila daitekeela ordubetean adierazi dute, bereziki barnealdean: "Zaparrada ertainak eta trumoitsuak botako ditu, baliteke zenbait tokitan handiak izatea eta txingorra egitea".

Bihar, martitzena, zerua tarteka hodeitsu egongo dela iragarri dute; zaparrada txikiren bat bota dezake, noizbehinka ertaina izanik. Norabide aldakorretako haize ahula ibiliko da eta tenperaturari dagokionez ez dute espero aldaketarik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.