Joseph Stiglitz nobel saridunak Etorkizuna Eraikiz egitasmoa ezagutu du

BABESTUTAKO EDUKIA 2018ko mai. 18a, 14:55

Joseph Stiglitz Ekonomiako Nobel saridunari harrera ofiziala egin zioten atzo, foru jauregian Gipuzkoako diputatu nagusi Markel Olanok eta Ekonomisten Euskal Elkargoko presidente Iñaki Ruizek. Ondoren lan bilera egin zuten eta, bertan, diputatu nagusiak Etorkizuna Eraikiz foru programa aurkeztu zion ekonomialariari.

Stiglitzek interes handiz jaso zuen ekimenaren berri, eta etorkizuneko erronka eta desafioei aurre egiteko egin dezaken ekarpena nabarmendu zuen. Izan ere "Gipuzkoa gauzak ondo egiten ari den munduko toki horietako bat" dela aipatu zuen Ekonomiako Nobel sariaren irabazleak.

Gainera, Gipuzkoako ehun ekonomikoaren eta enpresa ereduaren ezaugarriak aurkeztu zizkioten foru arduradunek Joseph Stiglitzi: industriaren pisua, ETE kopuru altua, berrikuntzaren aldeko apustua, ekonomia soziala… Gainera, Gipuzkoak eta euskal lurraldeek duten zerga eta finantza sistema berezia aurkeztu zioten eta, hemen, autogobernua ahalbidetzen duen eta arrakastako gakoetako bat den Kontzertu Ekonomikoari buruzko xehetasunak azaldu zizkioten.

Ekonomiako Nobel sariaren irabazlea Donostian da egunotan, Gipuzkoa Talk konferentzia zikloan parte hartzeko. Topaketa sorta Gipuzkoako Foru Aldundiak eta Ekonomisten Euskal Elkargoak antolatu dute, elkarlanean. Marko honetan, eta Garapena, desberdintasuna eta demagogia XXI. mendean izenpean, hitzaldia eskainiko zuen atzo Stiglitzek Kursaalean, 700 lagunen aurrean. Desberdintasun soziala ere izan zuen hizpide Markel Olanok, bere aurkezpenean.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak