Bi zatiak oso parekatuak izan dira. Bi taldeek egin dituzte gol aukerak, eta arrasatearrak aurreratu dira markagailuan 44. minutuan, areaz kanpoko falta jaurtiketa batekin.
Abantailarekin jokatu eta UDAk estutu arren, bukaera arte ezin izan dute lehia erabakita utzi. Azken hamar minutuetan sartu dituzte beste bi golak. Azkena, 89. minutuan.
Bergarak, bere aldetik, 2 eta 1 irabazi dio Hernaniri Agorrosinen.
Erregional Preferentea
Bestalde, aste bukaeran jokatu da Erregional Preferenteko azken jardunaldia, eta sailkapenak erakusten du, Bergarak, 32 punturekin maila galdu duela. Azkenaurreko lekuan bukatu dute mahoneroek liga txapelketa.
Bestalde, 32na punturekin bukatu dute Aretxabaletak eta Antzuolak, 13. eta 14. lekuetan hurrenez hurren. Puntuetan berdinduta daudenez, bihar argituko da zeinek jokatu beharko duen play-off-a.