Jakin-Mina egiaztagiria banatu die ikasleei Markel Olano diputatu nagusiak

Gipuzkoako hamalau ikastetxek hartu dute parte Zientzia, Arte eta Letren akademia den Jakiunderen ikasturte honetako Jakin-Mina programan. Eta izandako parte-hartze sendoagatik egiaztagiria jaso dute ikasleek Markel Olano Gipuzkoako diputatu nagusiaren eta Josu Zabala Jakiundeko ohorezko akademikoaren eskutik.

Jakin-Mina diziplina anitzeko programa da, eta helburua du errealitate zientifikoaren, artistikoaren eta literarioaren ezagutza zabaltzea. Horretarako, 2017-2018 ikasturtean egindako  lau zikloetan aditu ezagunek hainbat gairen inguruko hogei hitzaldi eskaini dituzte euskaraz, gaztelaniaz eta ingelesez. Egiaztagiriak banatzeko ekitaldian, Josu Zabalak ikasleei gogorarazi die etorkizuneko Euskal Herria beraiek eraikiko dutela.

Markel Olanok, ere zentzu berean hitz egin die neska mutikoei eta azpimarratu du gizarte aurreratu bati eusteko pertsona kualifikatuak behar direla. Helburuen artean lehiakortasun ekonomikoa indartzea duen  Etorkizuna Eraikiz ekimenaren inguruko azalpenak eta adibideak eman dizkie diputatu nagusiak ikasleei, eta gizartea eraldatzeko norbanakoak duen papera nabarmendu du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.