Ford Motor Companyk Europan banatzen duen saria da Chairman’s Award. Entzute handiko izendapena da, horren helburua izanik kalitatezko zerbitzua eta bezeroen leialtasuna lortze aldera egindako lana saritzea.
"Fordek eta kontzesionario sareak talde bat osatzen dugu eta gure bezeroei zerbitzurik onena eskaintzeko lanean jarraitu behar dugu, horixe baita arrakastaren gakoa", adierazi zuen Jesus Alonsok saria banatzeko egindako ekitaldian, eta gaineratu: "Horregatik, Kondiak eskaintzen duen zerbitzu bikaina nabarmendu gurako nuke. Itzelezko eraginkortasuna eta profesionaltasuna erakutsi ditu, eta ondo merezitako saria jaso du". Hala, langile guztiak zoriondu zituen: "Pozik eta harro egoteko moduan zaudete". Izan ere, aukeraketa bezeroen iritzia eta gogobetetasun inkestak kontuan hartuta egiten du Fordek.
Ander Aranburu zuzendaria ere pozik agertu zen: "Harrotzeko moduan gaude lehenengoz jaso dugun Chairman’s Award sari honekin. Ford Kondian dihardugun guztion konpromisoaren eta lan egiteko era zuzenaren emaitzaren erakusle da".