Partidua berdinduta egon den arren, lehenengo zatian arrasatearrek eraman dute jokoaren pisua, eta ahalegin gehiago egin dute partidua irabazteko, aukerak sortuz.
Bigarren zatian, baina, Bergarak izan ditu aukerarik garbienak. Baloiaren jabetza Mondrarena izan bada ere, mahoneroek min handia egin dute kontraerasoan.
Kontuak kontu, golik gabe amaitu da partidua, eta berdinketa honekin, bi taldeek jarraituko dute sailkapenaren goialdean. Mondrak 50 puntu ditu eta seigarren sailkatua da; Bergara, berriz, zazpigarren dago, 47 punturekin.
Aretxabaletak, galdu
Ohorezko Erregional Mailan dugun beste ordezkariak, Aretxabaletak, galdu egin du Ibarran, igoerako postuengatik borrokan dabilen Tolosaren aurka (0-2). Porrot honekin, hamargarren gelditu dira aretxabaletarrak, 37 punturekin.