Mondrak eta Bergarak derbia jokatuko dute, bi kategoriatan

Xabier Urtzelai 2018ko api. 20a, 15:48
Xabi Bergararen kontrako derbian

Liga txapelketak azken txanpan daude, eta badira mailaz igotzeko lehian dabiltzanak edo kategoriari eusteko lanean dabiltzanak. Bada, Ohorezko Erregionalean oraindik 18 puntu daude jokoan, eta Mondra (49 puntu) eta Bergara (46) aurrealdean dabiltza –Arrasatekoek bigarren sailkatu Tolosa 7 puntura dute– . Oraindik edozer gerta daiteke, eta inork ez du ezer oparitu gura (domeka, 16:30, Mojategi).

Mondraren eta Bergararen arteko derbia ez da, baina, Ohorezko erregional mailara mugatuko, kategoria bat beherago ere derbi berbera izango delako, baina 18:30ean (Mojategi). Ohorezko erregionalera bueltatuta, bigarren dagoen Tolosaren bisita izango du sailkapenaren erdialdean dagoen UDAk (domeka, 16:30). 

Kategoria bat beherago, Aloña Mendik oso zail du mailaz igotzea, bigarren dagoen Tolosa zazpi puntura dago eta. Domekan (18:45), kategoriari eusteko lehian dabilen Aretxabaletaren zelaira egingo dute bisita. Eta maila horretan Mondrak eta Bergarak derbia izango dute ostera ere (domeka, 18:30). Azkenik, mailari eusteko lehian dabilen Antzuolak Zestoa hartuko du Estalan (16:30).

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak