Gérard Godon eta Eric Thézé izango dira domekan Elgetako Herrixa Dantzan saio berezian

Larraitz Zeberio Lekuona 2018ko api. 16a, 10:12
Eric Thézé eta Gérard Godon emanaldi batean.

Zuzeneko musikarekin egingo dute hurrengo dantzaldia Espaloia kafe antzokian. Aurreko urtean ere saioa egindakoa da Gérard Godon soinujole frantziarra. Lagunduta etorriko da aurten. Bikote formatuan jardungo du Eric Thézé musikariarekin. Saioa 19:00etan hasiko da.

Frantzian 'bal folk' edo 'bal trad' esaten zaien dantzaldietako berritzaileetako bat da Gérard Godon. 2000 hamarkadaren hasieran abiatu zuen Parasol taldea, Eric Thézérekin batera. Bere ezaugarri nabarmenenak izan daitezke musikalitate ezberdina —intimista, goxoa— eta dantza lotuetan berrikuntza zaletasuna. Asmatzen eta sustatzen ditu scottish, mazurka eta balts irregularrak.

Hogei urteko ibilbidean bederatzi CD argitaratu ditu, guztiak ere dantzarako musikaz osatuta. Ezaguna da dantza zirkuituan. Errepertorioan ditu scottish, polka, balts —hiru, bost, zortzi eta hamaika pultsukoak—, mazurka, scottish irregularrak, Chapelloise, borobila... eta beste hainbat. "Joan den urteko saioetan jo zizkigun ere, goxo asko, Zazpi jauziak, Lantzeko zortzikoa, eta fandango / arin-arina", gogoratzen du Herrixa Dantzan ekimeneko arduradun Patxi Monterok.

Dantzarako gonbidapena egin du beste behin Monterok. Domekan, apirilak 22, elkartuko dira Elgetako Espaloia kafe antzokian. Ohikoa den moduan sarrera doan izango da eta edatekoak eta jatekoak izango dira. Elgetako Udalak lagundutako ekimena da honakoa.

Informazio gehiago: https://www.parasol-godon.fr/

Joan den urteko dantzaldietako kronika eta argazkiak hemen

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak