Iñaki Burunza soraluzearra garaile bolotan Bergarako jardunaldian

Mirari Altube Arrese 2018ko api. 15a, 10:58

Gipuzkoako hiru txirlo bolo joko txapelketako laugarren jardunaldia jokatu zen atzo, apirilak 14, Bergaran. 45 bat lagun elkartu ziren San Joxepeko bolatokian eta Soraluzeko Iñaki Burunza izan zen nagusi sei txirlo botata; harekin berdinduta, beste sei txilorekin, geratu zen Bittor Jimenez bergararra.

Giro polita sortu zen Bergarako bolatokiaren bueltan; parte-hartzaile asko eta jokoarekin gustura: "Bolatokia ondo zegoen eta jendeak gustura jardun du. Erakustaldi dotoreak egin dituzte hainbatek txirlo guztiak jota", adierazi du Sebas Aranzabal elgetarrak, txapelketan parte hartzen dabilenak.

Hona hemen atzoko txapelketaren sailkapena:

  • Iñaki Burunza (San Andres taldea): 6 txirlo
  • Bittor Jimenez (San Joxepe taldea): 6 txirlo
  • Bittor Astigarraga (Asola Berri taldea): 5 txirlo
  • Gotzon Uranga (Lastur taldea): 5 txirlo
  • Bittor Ugarteburu (Asola Berri taldea): 5 txirlo
  • Unai Loiola (San Migel taldea): 5 txirlo

Sailkapen buruan Unai Loiola

Gipuzkoako txapelketak bederatzi jardunaldi ditu, hortaz, beste bost geratzen dira eta sailkapen nagusian aldaketa asko egon daitezke. Oraingoz, Elgoibarko Unai Loiola da nagusi, 17 txirlo jota. Azken jardunaldia maiatzaren 26an izango da.

Ekainaren 2an, ostera, Lehendakari Txapelketa jokatuko da Elgetan; egun bakarreko jardunaldia da hori. Eta orduan banatuko dizkiete sariak Gipuzkoako txapelketako irabazleei.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak