Justizia, Ez da terrorismoa, Altsasukoak aske pankartaren atzean sekulako jendetza elkartu da gaur arratsaldean, Iruñean. Debagoienetik sei autobus joan dira, baita automobil mordoa ere, aldarrikapen horrekin bat egiteko.
Altsasun atxilotutako gazteek eta senideek babes handia jaso dute, eta oso hunkituta zeudela horiek adierazi dute hara gerturatutakoek; izan ere, txalo eta oihu artean egin diete harrera. "Nafarroan egin den manifestaziorik handiena" zioten batzuek, eta "ikaragarria da" besteek. Kataluniatik etorritakoek ere elkartasuna adierazi diete. Ikusmin handia eragin du manifestazioak eta argazkilari, kazetari eta ikus-entzunezko asko elkartu dira bertan.
Epaiketa astelehenean, apirilaren 16an, hasiko da eta hilaren 27a bitartean egingo dute. Hiru auzipetuk dagoeneko urte eta erdi daramate kartzelan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak