Bailarako gazta ekoizleek osatzen duten Debagoieneko Pastoriek Taldeak azken urteotan hainbat promozio jarduera antolatu dituzte. Taldeko kideek elkarlanean antolatuko duten hurrengo ekintza Debagoieneko Artzainen 6. eguna izango da; ekitaldi horren baitan kokatzen da argazki lehiaketa.
Argazki lehiaketa
Apirilaren 18a izango da argazkiak bidaltzeko azkenengo eguna (12:00ak arte). Argazkiak bailarako herrietan ateratakoak izan beharko dute; Antzuolan, Aretxabaletan, Arrasaten, Bergaran, Elgetan, Eskoriatzan, Leintz Gatzagan edo Oñatin.
Hiru argazki bidali ahalko dira gehienez partaideko; digitalki eraldatutako argazkiak onartuko dira, baina ez fotomuntaketak. Edonork bidali ditzake argazkiak; hala ere, salbuespen moduan, antolatzaileekin harreman zuzena dutenek ezingo dute parte hartu.
Sariak
Lehiaketan parte hartzeko jasotako argazkiak mankomunitateak Facebooken daukan orrian jarriko dira, argazki galeria bat osatuz. Bertan egingo da bozketa, argazkiek jasotako atsegin dut bakoitza boto bat izango delarik. Maiatzaren 3an, 12:00etan amaituko da bozkatzeko aukera eta irabazlea izendatuko da.
Horretaz gain, boto gehien jaso dituzten 20 argazkiak Elgetan egingo den erakusketa batean egongo dira ikusgai. Egun horretan, jendeak paperezko botoaz zuzenean bozkatzeko aukera izango du 10:00etatik 12:00etara.
Hiru sari banatuko dira:
1. Facebook galerian atsegin dut gehien jasotako argazkiak ondorengo saria izango du: Debagoieneko Jardunaldi Gastronomikoko menua (bi pertsonentzako bazkaria edo afaria) eta bertako produktuen sorta.
2. Maiatzaren 6an, Elgetan egingo den helduen mailako erakusketan, paperezko boto gehien jasotako argazkiak ondorengo saria izango du: Debagoieneko Jardunaldi Gastronomikoko menua (bi pertsonentzako bazkaria edo afaria) eta eskutik produktu sorta.
3. Maiatzaren 6an, Elgetan egingo den erakusketan, zuzenean paperezko botoa emandakoen artean zozketa bat egingo da ondorengo saria banatzeko: bertako produktuen sorta.
Argazkiak Facebookeko galerian agertzeaz gain, lehiaketaren ondoren mankomunitateak Flickr sarean duen kontuan ere jarriko dira.
Informazio gehiago: turismodebagoiena.eus