EHUko kazetaritza graduko 3. mailako ikasle talde bat etorri da gaur Goienaren egoitzara, Arrasatera, Imanol Murua kazetariarekin batera. Hedabide mota ezberdinak aztertzen dihardute Hedabideen ereduak hautazko ikasgaian, eta Goiena tokiko hedabide multimedia eredu gisa hartu dute.
Pasa den astean tokiko komunikabideei buruzko azalpen teorikoak eman zizkien Imanol Muruak ikasleei, eta behin oinarriak ondo barneratuta, hedabide bat bertatik bertara ezagutu nahi izan dute. Goiena tokiko komunikabidea izateaz gain, multimedia ereduan aitzindaria delako aukeratu dute hona etortzea.
Murua irakasleak nabarmendu du ikasleek Goienako langileen ahotik zuzenean azalpenak entzuteko izan duten aukera; telebistako teknikariekin edota diseinu arduradunarekin egon dira, besteak beste.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
