Barrainkua eta Ormaetxea triatloi federazioak antolatutako teknifikazio saioan izan dira

Barrainkua lehenengo planoan, bizikleta gainean egindako saioan.

Joan den martxoaren 29 eta 30ean Gipuzkoako Triatloi Federazioak antolatutako ekitaldian EAEko hainbat lekutako triatletak batu ziren, 18 guztira. Eta, tartean izan ziren Ainhize Barrainkua aretxabaletarra eta Beñat Ormaetxea oñatiarra, biak Oñatiko Triatloi Taldeko kideak.

Getarian egin zuten triatloi teknifikazio egonaldian batu ziren triatloilari gazteek programa osoa izan zuten. Helburua kirol hori sakonago ezagutzea izan zen, aurrerapauso bat emateko erramintak izatea, eta entrenamenduez gain, bestelako jarduerak ere izan zituzten, esaterako, zine forum saioa –hainbat triatleta protagonista diren ikusentzutekoak ikusita, edota araudia saioa –Euskadiko Triatloi Federazioaren Zuzendaritza Teknikoko kide Marta San Martinek eta Javier Berasateguik eman zizkien azalpenak–.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.