Independentistak sarekoekin bat egin dute EH Bilduk eta EH Baik Iruñean Aberri Eguna ospatzeko; 12:00etan abiatuko da manifestazioa, aurten Sarasate pasealekutik. Mugimendu feminista eta jubilatuak izango dira aurtengo gonbidatuak ekitaldi politikoan. "Euskal Herria berria eraikitzea" da helburua, eta Kataluniako egoera ikusita, berebiziko garrantzia du, han bizi duten egoera bertan bizitzeko arriskua ikusten dutelako.
Bilbon, Plaza Barrian ospatuko dute ostera jeltzaleek Aberri Eguna alderdi-kideekin batera 11:30etan hasita. Andoni Ortuzar eta Iñigo Urkulluk hitz egingo dute, urtero bezala jendetsua izango den ospakizunean.
Ahal Dugu-Podemosek Bilbon ere ospatuko du Aberri Eguna, baina azken hauek Bailen kalean ekingo diote 12:00etan
Aurtengo Aberri Egunean presente Kataluniako egoera
Ohiturari eutsiz hainbat herritarrek ikurrinak zintzilikatu dituzte balkoi eta leihoetan Aberri Eguna ospatzeko. Demokrazia arriskuan dagoela salatuko dute biek ala biek, estatu espainolak Katalunian duen jarrera ikusita. Ekitaldi jendetsuenak Iruñekoa eta Bilbokoa izango dira, ezker abertzaleak deitutakoa lehena Menpekotasunetik askatasunera, burujabe hobe lelopean eta jeltzaleek deitutakoa bigarrena, Gure etorkizuna, gure aberria lelopean. Ahal Dugu-Podemosek ere Bilbon ospatuko du Aberri Eguna, hauek Gure eskubideen jabe! lelopean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
