Debagoienean ere bat egin dute Kataluniarekin

Oñatiko elkarretaratzea.

Udal ordezkariek, sindikatutakoek, Gure Esku Dago-ko kideek eta beste hainbat herritarrek egin dute bat Kataluniarekin, eta demokraziaren eta askatasunaren alde deitutako elkarretaratzeekin. Debagoienean, besteak beste, Oñatin, Aretxabaletan, Eskoriatzan, Arrasaten, Antzuolan eta Bergaran egin dituzte elkarretaratzeak.

Herrietako plazetan elkartu dira, isilean, estelada-k eskuetan. Hain zuzen ere, elkarretaratzeak zituzten deituta Euskal Herriko hainbat eragile politiko, sindikal eta sozialek "Kataluniako herriak bizi duen salbuespeneko egoera eta Espainiako estatuaren demokrazia falta eta inboluzio demokratikoa salatzeko".

Azpiko argazkietan: Antzuolako, Aretxabaletako, Arrasateko eta Bergarako elkarretaratzeak.