Azkoaga eta Barajuen auzoetara itzuliko da Openeko zirkuitua

Ismael Esteban, iaz, Aramaioko helmugan.

Iaz hamar urte bete zituen Aramaioko Openak, eta berrikuntza moduan lasterketak zirkuitu berria izan zuen, Ibarran. Domekan (11:00), baina, ostera ere Azkoaga eta Barajuen inguruetara itzuliko da lasterketa, zirkuitu klasikora. 

Bada, Aramaiokoa Euskadiko Open barruan egingo duten bigarren lasterketa izango da. 11:00etan elite mailakoak, 23 urtez azpikoak eta M-30 kategoriakoak abiatuko dira. Jarraian (11:02) gazteek, M-40, M-50 eta M-60 kategoriakoek hasiko dute lasterketa; eta 11:04ean, emakumezkoen eta kadeteen txanda izango da.

Errenterian lehenengoa Martxoaren 4an egin zuten Openeko lehenengo lasterketa Errenterian –guztira zazpi egingo dituzte, Debagoienean bakarra–, eta bertan bi minutuko aldeagatik irabazi zuen elite mailan Alvaro Carralek (In-Gravity). Bailarako onena Ander Bengoa (SH Metalgraf) izan zen, 11. postuan. Eta 24. postuan sailkatu zen Argider Isasti oñatiarra. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.