Kurtzetxikiko gazteluaren eta Leintz Gatzagako Galbarragaingo eraikuntzaren inguruko azalpenak jaso dituzten lehenengo eta behin mintzalagunek. Anabel Ugalde historialariaren ahotik entzun dituzte. "2016an albiste bikaina izan genuen. Jesus Angel Arratek Kurtzetxikiko gailurrean gotorleku baten arrastoak aurkitu zituen eta, itxura guztien arabera, zeharo ezezaguna zen berari buruz inork ez zekielako ezer", esan du. "Arrasateko familia batek gordeta ditu paper zahar batzuk eta horetan jasota dago 1813an Napoleonen ejertzitoko Arrasateko komandanteak eskatu zuela una porción de maderamen jasotzen ari ziren gaztelurako".
Ugaldek gaineratu du Eskoriatzako Maringo elizatearekin lotura duten paperetan irakurri direla kontu horiek. "Ea arkeologoen interbentzioak argiren bat eskaintzen duten".
Otxia txakolina
Kurtzetxikiko aztarnategitik Artazubiaga baserrira egin dute mintzalagunek. Bertan Felix Etxagibel zuten zain eta Otxia txakolina noiz eta nola egiten duten azaldu die. Mahastiak ikusi dituzte eta txakolingintzaren nondik norakoak ezagutu dituzte.
