Hirurehun mendizale gazte espero dituzte Aretxabaletan domekan

Domekarako (08:30-09:00), Debarroko 300 gazte inguru espero dituzte Murrukixoko lagunek. Gipuzkoako bost tokitan izango dira aurtengo Eskolarteko Mendi Ibilaldiak, eta horietako irteera bat Aretxabaletan egingo dute.

"8 eta 12 urte bitarteko gazteendako ibilbide motza prestatu dugu, eta 12 eta 16 urte bitartekoendako ibilbide luzea. Hor, bost laguneko taldeak osatzen dituzte, eta helburua da kontrolguneetatik pasata ibilbidea egitea. Baina ez du izaera lehiakorrik", adierazi du aste barruan Murrukixoko ordezkari Oier Etxebarriak.

Mendiola eta Peñakulo aldera

Ibilbideari dagokionez, motzak bederatzi kilometro inguru izango ditu. "Urkulura joango gara bidegorritik, handik Areantza gainean dagoen elurzulo batera joango gara, eta gero Mendiolara jaitsi. Luzekoak, berriz, elurzulotik Peñakulo gainera igoko dira". Bihar, eguena, da martxan izena emateko azken eguna (618 191 104).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.