Haurren Eskolarteko Txapelketa izango da domekan, Zigorrolan

Euskadiko 35. Eskolarteko Kirol Jokoen barruan, kros lasterketak egingo dituzte domekan Arrasaten –Arruena parkean egongo da zirkuitua, Eroskiko parkingaren ondoan–. Txapelketan esku hartuko dute 2004an eta 2005ean jaiotako gazteek; alegia, infantil mailakoek.

Txapelketan parte hartuko duten gazte batzuek EAEko lurraldeetako selekzioak ordezkatuko dituzte, eta eurekin batera lehiatuko dira eskolarteko kirolen kanpainetan izena emanda dauden ikastetxeetako gazteek ere. Hala, Arruena parkean jarriko duten zirkuituan, 2004an jaiotakoek 4.200 metroko lasterketa izango dute aurrean –11:00etan hasiko dira– eta urtebete gazteagoek 3.200 metroko lasterketa izango dute –11:20an–. Eta, antolatzaileen esanetan, kategoria bakoitzean 100 atleta inguruk hartuko dute esku, gizonezkoen eta emakumezkoen kategorietan. Hala, gazteek egunean bertan jasoko dituzte lasterketan parte hartzeko dortsalak, zirkuituan bertan jarriko duten idazkaritza postuan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.