Joseba Otamendi: "Askartzaren kontra ez genuen ezustekorik gura"

Sailkapenak Fagor Industrialen eta Askartzaren artean erakusten zuen aldea Zubikoako kantxan agerian geratu da gaur (40-21). Oñatiarrek hasieratik hartu dute aurrea markagailuan, bizkaitarrei inongo aukerarik eman barik. Bihar (12:00) Iturripen, Ford Mugarrik atzealdean dabilen beste talde bat izango du aurrean, Donibane.

Joan den astean Bidasoaren kantxan lortutako garaipenaren ostean Fagor Industrialeko mutilek ez zuten atzealdean dabilen Askartzaren kontra ezustekorik gura. Bidasoari irabazi izana Hondarribiaren kontrako porrota –Zubikoan– ahazteko aitzakia ezinhobea izan zen, eta gaur berriro ere puntuak batuta aurrealdeko postuetan jarraituko dute, aurrealdekoen multzoan bai behintzat: "Eta hori da helburua, liga amaierara arte talde horretan lehian mantentzea, adierazi du Joseba Otamendi jokalariak. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.