Apotzaga aldeko altxorrak ezagutu dituzte Aitor Antxiaren gidaritzapean

Ia 40 lagun gerturatu dira Apotzaga eta Apotzagaetxebarrira Aitor Antxia Leturiak gidatuta hango kontuen berri jasotzera. Hilerria, eliza eta inguruko ermitak bisitatu dituzte.

Aretxabaletako Kultura Sailak antolatutako bisitak arrakasta izan du beste behin. Eskoriatzako Apotzaga auzoko hilerri ezaguna bisitatu dute lehenengo, eta han dauden bataio-pontea eta gurutzea bidea izan ditu berbetarako gai Antxiak, bestea beste. Eliza dotorera jo dute gero, eta erretaulan eta aldarean erreparatu dute han. 

Ondoren, San Bernabetik pasatu eta Aretxabaletako Apotzagaetxebarri auzoko Salluente ermitan izan dira. San Blasen gainean egin dute berba, baita han dauden hiru erretaulen eta harlauzen inguruan ere. Mokadutxoa janda eman dute bukatutzat irteera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.