.JPG)
Ekitaldia Bilboko Campos Eliseos Antzokian ospatu da, eta ekitaldian izan dira Estefania Beltran de Heredia Segurtasun sailburua, Josu Zubiaga Segurtasun sailburuordea eta Pedro Anitua Larrialdiei Arreta Egiteko eta Meteorologiako zuzendaria.
Bertan, Larrialdietako eta Babes Zibileko bereizgarri gorriko meritu-dominak eman zaizkie Wopeak17 euskal espedizioko Alberto Iñurrategi, Juan Vallejo eta Mikel Zabalza mendizaleei, 2017ko uztailean Himalaiako Karakorum mendikateko Gasherbum II mendian Valerio Annovazzi alpinista italiarra erreskatatzeagatik.
Erreskatea 2017ko uztailaren 25ean gertatu zen. Oso baldintza meteorologiko txarretan hamabi ordu eskalatu ostean, hiru mendizaleek alpinista italiarra erreskatatu ahal izan zuten, Himalaian egoera etsian, bakarrik eta bizitza-arrisku oso larrian zegoenean.