Emakumezkoak, lehen aldiz Urrezko Aizkoran

Maika Ariztegi eta Irune Izkue, 2016an, Abaltzisketan gizonezkoen kontra jokatutako norgehiagokan. Irabazi egin zuten. Argazkia: www.ataria.eus

Oñatin jokatuko dituzte, domekan, 12:00etan, txapelketa horretako finalerdiak. Eta lehenengo aldia da emakumezkoak torneo horretan lehiatzen direla. Irati Astondoa, Maika Ariztegi eta Nerea Sorondo izango dira aurrez aurre.

 

Urtero moduan, herri kirolen puntako ikuskizuna eroan gura izan du herrira Oñatiko Herri Kirol Taldeak. Eta Urrezko Aizkora aitzakia ezin hobea da horretarako, modalitate horretan onenak daude-eta bertan. Bada, aurten, lehen aldiz, emakumezkoek ere txapelketan parte hartuko dute: "Beste kirol jardueretan gertatzen den moduan, hemen ere emakumezkoak euren lekua egiten dabiltza", dio Angel Villarrek. Hala, emakumezkoen artean, Villarrek Maika Ariztegi jotzen du faboritotzat: "Eta hori aurreko txapelketan Nerea Sorondok irabazi zuela, baina, domekara begira norbaiten alde apustu egin beharko banu, Ariztegiren alde egingo nuke", dio.

Gizonezkoetan, oso parekatuta 

Gizonezkoen kategorian, berriz, Mugertza II.a eta Otaegi eta Atutxa eta Txikia dagoeneko finalean daude. Oñatin hirugarren finalista erabakiko da: "Kanporaketa hori oso parekatuta dago". Azurmendik eta Rekondok Vicente eta Saralegi izango dituzte aurrean, eguerdiko hamabietan, plazan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.