'Handia' filmaren lantaldeari harrera egin dio Aldundiak

'Handia' filmeko lantaldea Aldundiko ordezkariekin.

Goya sarietan izandako arrakastagatik zoriondu eta omendu gura izan dituzte Gipuzkoako Foru Aldundiko ordezkariek Handia filmaren lantaldeko kideak. "Egindako lan bikaina" goraipatu zuten Markel Olano diputatu nagusiak eta Denis Itxaso kultura diputatuak atzo egindako harreran.

Zinemaldian estreinatu zenetik filmak lortutako arrakastak Gipuzkoako zinemaren eta orokorrean euskal zinemaren heldutasuna agerian utzi duela aipatu zuten Aldundiko ordezkariek. Olanok zein Itxasok azpimarratu zuten talentu handiko sektorea dela, eta sari horiek bertako teknikarien eta profesionalen goi mailako kalitatea nabarmentzen dutela: "Jakin bagenekien, aspalditik baitaude gure profesionalak maila gorenean".

Jaurlaritzan ere harrera

Iñigo Urkullu lehendakariak, Kultura eta Hizkuntza Politikako sailburu Bingen Zupiriarekin batera, ere hartu zuen Handia filmaren taldea atzo Lehendakaritzan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.