Iragarrita zegoen, eta ez du hutsik egin elurrak

Elurra kentzeko makinak etengabe ari dira lanean. Argakian Arantzazu 10:20ean.

300-400 metrora zegoen iragarrita elurra eta hainbat tokitan beherago ere egin du. Debagoieneko mendate guztiak daude irekita une honetan (10:35); Aramaioko Kurtzeta mendatean kateak behar dira. Hala ere, Segurtasun sailetik jakinarazi dutenez elurra ari du mendateetan eta tarte batzuetan izotza dago.

12:00etatik aurrera alerta laranjatik abisu horira pasatuko da eta elur-mailak apur bat gora egitea espero da; 500-600 metro inguruan kokatuko delarik iragarpenen arabera. Ipar haizeak indar apur bat galduko badu ere, ohiko lekuetan boladaka gogor joko du are gehiago gordinduz giroa. Tenperatura maximoak 5 graduren azpitik eta barnealdeko txoko askotan zero azpiko balioak neurtuko dira.

Trafikoa.eus (Errepidearen egoera 10:49ean)

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.