2018an Gipuzkoak %2,8ko hazkundea izango duela aurreikusten du Gipuzkoako Bazkundeak

Argazkian (ezkerretik eskuinera): Endika Sánchez Aguirre, Gipuzkoako Bazkundeko idazkari nagusia. Pedro Esnaola, Gipuzkoako Bazkundeko presidentea. Iñigo Muguruza, Marketing eta Berrikuntza zuzendaria.

Europako Enpresa-Perspektiben Inkesta egin du Gipuzkoako Bazkundeak, 50.000 enpresa baino gehiagoren iritzia jasoz. Hortik atera duten ondorio nagusienetako bat da Gipuzkoako bi enpresetatik batek, 2018an  euren fakturazioa handitzea aurreikusten duela, eta gehiengo handi batek lan taldeari eustea espero duela.

Gipuzkoarrak europarrak baino baikorragoak

Inkestan parte hartzen duten Gipuzkoako enpresek 2018an emaitzei eustea espero dute; esportazioei, barne merkatuari, inbertsioari eta enpleguari dagokionez, Europaren bataz bestekoaren gainetik kokatuz, aurreko urteetan bezala.

Barne merkatuari begira, Gipuzkoako enpresen %44ak bere emaitzak hobetzea espero dute Europako enpresen %39aren aurrean. %42ak berriz, euren esportazioak gehitzea espero dute Europako %37aren aurrean, eta enplegu arloan, Gipuzkoako enpresen %31ak lanpostuak sortzea espero dute enpresa europarren kopurua %24a den bitartean. Inbertsioari dagokionez, Gipuzkoak eta Europaren bataz bestekoak antzeko hazkundea izatea espero dute.

Barne eta kanpo eskaeren arteko orekak sustatuko du Gipuzkoaren hazkundea

Gipuzkoaren hazkundea 2018an proportzionatua izango dela erakusten dute inkestaren emaitzek, eta hau barne merkatuaren eta kanpokoaren handitzeari esker izango dela uste du Gipuzkoako Bazkundeak. Hau dela eta, 2018an Gipuzkoako ekonomiak %2,8ko hazkundea izango duela aurreikusten du Gipuzkoako Bazkundeak, 2017rako ikusten zenaren berdina.

2017ko itxiera

Joan den urteari dagokionez, Gipuzkoako Bazkundeak Gipuzkoako ekonomia %2,8ko hazkundearekin itxiko duela ikusten du, 7.038 lanpostu gehiago sortuz eta 20.728 enpresa gizarte-segurantzari afiliatuta 2017ko abenduan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.