Europako MiFID II zuzentarauaren xedea inbertitzailea babesteko neurriak ezartzea da. Finantza-aholkulari izateko tituluek CNMVk homologatuta egon behar dute, Europar Batasunean urtarrilaren 3tik indarrean dagoen araudi berrira egokitzeko.
CNMVk finantza-erakundeetan inbertsio-produktuei buruzko informazioa eta aholkularitza ematen duten pertsonek izan behar dituzten ezagutzak eta gaitasunak arautzen ditu.
Mondragon Unibertsitateko Enpresagintza Fakultateko aipatutako bi tituluek lortu dute CNMVk finkatutako irizpideak betetzen dituztela bermatzea, MiFID II zuzentarauarekin bat eginez.
Graduondokoak finantza-erakundeetako langileei bideratuta daude. Finantza Aholkularitzan Aditua bezeroei aholku ematen dietenei zuzenduta dago, eta Finantza Informatzaile Aditua, berriz, bezeroei informazioa ematen dietenei. Aurtengo ikastaroan 1.400 profesional inguruk hartu dute parte bi tituluetan.
