Erregional preferentean derbia izan da gaur, Antzuola eta Bergararen artean, Eztalan. 2-0 garaitu du etxeko taldeak, lehen ordu laurdenean Ander Aranak sartutako bi golei esker. Lehena, Oxelek egindako pasearen ostean sartu du, eta bigarrena, berriz, penaltiz. Hala ere, partidu borrokatua izan da eta Bergarako hiru jokalari kaleratuak izan dira –Soto, Larrañaga eta Lazkano–, eta Antzuolako –Jon Fernandez–.
Antzuolako Ibai Zabalo kapitainaren esanetan: "Partidu borrokatua izan da, kontaktu askokoa, baina epaileak gogor epaitu ditu hainbat jokaldi. Bergarako hiru kaleratuak, bi txartel hori jasota izan dira, eta guri atera digutena, zuzeneko txartel gorria izan da".
Hurrengo partidua ere derbia izango dute antzuolarrek. Mondraren aurka jokatuko dute Mojategin. Hala, gaur Eztalan lortutako hiru puntuekin, beste garaipen baten bila joango dira Arrasatera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
