Eskoriatzako Hezkuntza Foruak eta Aretxabaletako Guraso Foroak eta Murrukixo Mendizale Elkarteak antolatutako urteko lehenengo mendi ibilaldia egingo dute domekan, hilaren 14an, eta aukeratu duten irteera honako hau da: Leintz Gatzagatik, Gure Ametsa jatetxetik gora, Hiruerreketara, Deba ibaiaren sorlekua bisitatu, Atxorrotx zeharkatu eta Eskoriatzara, hain zuzen ere.
Aretxabaletarrak Azbe lantegi alboko autobus geltokian elkartuko dira 9:15ean, autobusa hartzeko. Eskoriatzarrak, ostera, Gorosarri autobus geltokian batuko dira, 09:20an; hiru ordu eta erdiko mendi ibilaldia izango dela iragarri dute.
Ezinbesteko hainbat baldintza betetzeko, oharra bidali dute antolatzaileek: haurrak ezin dira bakarrik bidali, heldu baten laguntzarekin joan behar dute. Ekintza horretan parte hartzeko ez da izenik eman behar; hamarretakoa eta ura eramatea gomendatzen da; eta autobusaren prezioa, nork berea ordaindu beharko du.
Pesako autobusa hartuko dute mendi ibilaldira joan nahi dutenek, eta, hain zuzen, Mugi txartela duenak eraman dezala aholkatu dute antolatzaileek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
