Euskalmetek iragarri du negu beteko giroa egingo zuela gaur, eta horrela izan da. Gipuzkoan, Euskalmetek iragarritako elur maila uste baino beherago jaitsi da, eta zenbait puntutan, 200 metrotik gorako bazterrak ere zuritu dira.
Arazoak mendateetan
Elurrak arazoak sortu ditu errepideetan eta bailarako hainbat mendate itxita daude kamioiendako. Autoek kateak behar dituzte baten baino gehiagotan. (20:30eko egoera)
- Arantzazu: zabalik baina arretaz gidatzeko gomendioa
- Deskarga: zabalik baina kontuz gidatzeko gomendioa
- Arlaban: autoak kateak behar dituzte. Gainerakoendako itxita
- Gorla: itxita
- Kanpanzar: itxita
- Kruzeta: zabalik baina arretaz gidatzeko gomendioa
Eusko Jaurlaritzaren Segurtasun Sailak alerta laranja ezarri du elurragatik Erkidegoan, eta arretaz gidatzeko eskatu dute.
Domekan elur-kota gora
Datozen orduetan eguraldiak ez du hobera egingo. Domekan prezipitazioa ugaritu egingo da oraindik. Egunak aurrera egiten duen heinean euriak atertzera egingo du apur bat eta elur-kota igo egindo da. Euskalmeten arabera, asteburuko azken orduetan, elur maila 1000 metrotik gorakoa izango da.
