Huhezineman film laburrak aurkezteko epea zabalik dago

Eneko Azurmendi 2017ko abe. 22a, 11:06
Iazko lan irabazle baten fotograma bat. Argazkia:Huhezinema.

Huhezinema Euskal Film Laburren Jaialdiaren 11. edizioa egingo da, 2018eko martxoaren 21etik 23ra bitartean, Aretxabaletako Arkupe kultur etxean. Filmak bidaltzeko epea 2018ko otsailaren 9ra arte egongo da zabalik. Sail bakoitzaren oinarriak www.huhezinema.com webgunean kontsultatu daitezke.

Edizio honetan, bi berrikuntza nagusi daude: alde batetik, Mundukide saria egongo da, giza eskubideak eta justizia sozialaren gaiak egokien txertatuta dituen film labur onena sarituko duena. Sari horren irabazleak 700 euro eramango ditu. Bestetik, MUko ikasleen sailean, hautatutako film laburren artean argazki onenaren saria egongo da. 1.500 eurotan baloratutako kamera-ekipamendua izango da saria, Zarauzko Ogeita4 Camera Solution enpresaren eskutik. Jasotako film labur guztien artean Aukeraketa Batzordeak hamar film labur aukeratuko ditu jaialdiaren sail ofiziala osatzeko. Hamar horietako bakoitzak 200 euro jasoko ditu hautatua izateagatik.

Hiru sailetan banatuta

Lehiaketaren baitan, hiru sail ezberdinduko dira, eta sail bakoitzean sari ezberdinak egongo dira: sail ofiziala –Goiena saria, 1.000 euro; Mundukide saria, 700 euro; Vertigo saria, 400 euro; eta ikusleen saria, 300 euro–; MUko ikasleen saila –fikzio onenaren saria, 300 euro; dokumental onenaren saria, 300 euro; argazki onenaren saria, 1.500 euroko kamera eta ikuslearen saria, 100 euro–; eta Kutixi saila –Basque Culinary saria, 400 euro eta Ikusleen saria, 100 euro.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak