Sektore energetikoak eskaintzen dituen aukeren eta erronken gaineko jardunaldia enpresetako arduradunei zabaldu gura izan diete Miguel Altunako Lanbide Heziketa eskolako kideek. Eta horretarako izena eman behar da aurrez; hona bideak: www.imaltuna.com; ekitaldia@imaltuna.com; eta 943-76 70 49.
Hiru hitzaldi
Energiaren gainean jarduteko hiru enpresatako ordezkariak izango dituzte lagun: Innobasque, Fundesco S.L. eta Aprobasge. Innobasquen kasuan, energia arloko talde pilotuko bozeramaileak RIS3 estrategia eta ETE-entzako aukerak hedatzea hitzaldia eskainiko du.
Ondoren, bi jardunbide egoki ezagutzeko aukera izango da. Alde batetik, Fundesco S.L. enpresako zuzendaria den Eduardo Perezek Energia eraginkortasunerako esku-hartzearen analisia izango du berbetarako gai; eta bestetik, Aprobasge enpresako Luis Mari Sanchezek Energia Kudeatzailea lehiakortasun-tresna gisa berbaldia egingo du.