goiena.eus

Lan mundura gertatzeko argibideak jaso dituzte goi mailako heziketa zikloetako ikasleek

  Hezkuntza  Arrasate  Debagoiena

Eskola politeknikoko goi mailako heziketa zikloetako ikasleek lan munduaren gaineko esperientziak ezagutu zituzten atzo, eskolan bertan. Batetik, bost ikasle ohik euren bizipenak kontatu zizkieten mahai baten bueltako solasaldian, eta bestetik, hainbat enpresatako ordezkarien argibideak jaso zituzten.

Langileek izan behar dituzten gaitasun eta konpetentzien inguruan ikasleek hausnar dezaten antolatutako jardunaldia izan zen atzo, Arrasaten, egindakoa. Laneratze prozesuak inplikazio altuagoa eskatzen duela gaur egun jakinarazi zieten elkartutakoei, eta era berean, gogorarazi lana bilatzeko aukerak areagotzeko zeharkako konpetentziak garatzea beharrezkoa dela.

Ildo horretatik, informazio ona izatea ezinbestekotzat jo zuten: "Batetik kanpoan zer dagoen, lan merkatua eta horren egungo egoera eta norabidea ezagutzea, zein profil eskatzen diren; eta bestetik, norberaren barnean zer dagoen, zeintzuk diren gure benetako interesak, gure indarguneak lana bilatzerakoan edo hobetzeko alderdiak".

Bost ikasle ohirekin batera izan ziren kontu-kontari Mondragoneko Gestio Sozialeko Iñaki Belaustegi eta Soraluze Scoop. kooperatibako Ingeniaritza Saileko zuzendari Javier Torrella.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa