Aralar alderdiaren agurrean debagoiendarrak ere elkartu dira

Aralarren azken biltzarrean elkartutako debagoiendarrak.

"Zaila zait esatea, baina Aralar bukatu da", hala adierazi du Patxi Zabaletak gaur eguerdian Aralar alderdiaren 7. biltzarrean. Iruñean elkartu dira, eta urteotan alderdiaren inguruan ibilitako debagoiendarrek ere han egon gura izan dute. 

Aralarren helburuak beteta ziklo bat ixtea erabaki du zuzendaritzak eta alderdia desegiteko proposamena egin du. Alderdikideek berretsi egin dute proposamen hori. "Aralar badoa, baina bere arrastoa utzi du. Jarraituko dugu gure estiloarekin", esan dute. Debagoienetik ere joan dira hamabost bat lagun; batzuk afiliatuak, eta beste batzuk, sasoi baten alderdiaren inguruan ibilitakoak: "Gutako gehienok sorreran parte hartu genuen eta agurrean ere egon  gura izan dugu".

Rebeka Ubera legebiltzarkideak adierazi du alderdiari amaiera emateak ez duela esan nahi sentsibilitate horri amaiera ematen zaionik. Eta bertan izan den Arnaldo Otegiri pasatu dio lekukoa.

Patxi Zabaletak, ostera, hunkituta egin du berba: "Eskerrik asko bidelagun izandako guztiei eta gurekin lehiatu diren guztiei ere bai".

Aralar alderdiaren gaineko erreportaje zabala argitaratuko du GOIENAk abenduaren 5ean Puntua aldizkarian.

 

Erlazionatuak

Rebeka Ubera: "Alderdia desegiteak ez du esan nahi 'Aralar sentsibilitatea'-k jarraituko ez duenik"

Debagoiena

VII. kongresua egingo du Aralarrek abenduaren 2an. Afiliatuek erabakiko dute, ohorezko presidente Patxi Zabaletak eta idazkari nagusi Rebeka Uberak...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.