Hain zuzen ere, hainbat bide jarri dituzte kolaboratu gura dutenendako: batetik, Arrasateko Hiper Eroskin egongo da jostailu berriak emateko aukera, abenduaren 5ean, 7an, 9an, 14an, 15ean eta 16an. Horrez gain, ekarpen ekonomikoa ere egin daiteke, 5, 10 edo 20 euroko jostailu-txekea emanez. Honako kontu korronte zenbaki honetan dago horretarako aukera: ES22 3035 0001 51 0010018156.
Jostailu hezitzailea bataiatutako kanpaina jarri du martxan Gurutze Gorriak. Debagoieneko boluntarioek azaldu dutenez, "arazo sozioekonomikoak dituzten familietako haurren jolaserako eskubidea bermatzea bilatzen du egitasmoak". Aurreko urteko datuekin alderatuta, %32 egin du gora jostailu eskariak. Zehatz esanda, aurten, 256 haurrek eskatu dituzte jostailu berriak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak