Gipuzkoako suhiltzaile zerbitzua eguneratu egingo dute

Gipuzkoako foru aldundiak suhiltzaile zerbitzua eguneratu egingo du. Legealdi hasieran gogoeta prozesua hasi zuten suhiltzaileekin elkarlanean; Gipuzkoako suhiltzaileen zerbitzua nolakoa izan beharko litzatekeen ausnartu dute. Horren ondorioz, lurralde osoan eredu bakarra ezarriko dute, bi jarduera eremu bereizturekin. Mendebaldeko eremuko gune zentrala Bergaran egongo da.

Lurraldeko larrialdien ikuspegi integral eta funtzional berriak aukera eman du estaldura eremuen antolaketa sistema sinplikatzeko. Lurralde osoan eredu bakar bat ezarriko dute, bi jarduera eremu bereizturekin; ekialdea eta mendebaldea.

Mendebaldeko gunea

Bergaran parke berri bat egingo dute, eta horrekin batera Elgoibarko, Ordiziako eta Azpeitiko suhiltzaile etxeek osatuko dute mendebaldeko eremua. Horrek esan gura du Oñatiko parkea desagertu egingo dela.

Garberako eta Bergarako suhiltzaile etxeak modu estrategikoan kokatuta egongo dira lurralde barruan, errepide lotuneen ondoan eta simetrikoki banatuta.

Sei minutuko tartea


Lasa diputatuak azaldu du abian jarri duten estrategiak baieztatzen duela "giza baliabide gehiago" behar direla, eta "suhiltzaile parke gutxiago", errepide sare "hobea" dagoelako, besteak beste. Horren harira nabarmendu du 80ko hamarkadan, "deia jasotzen zenetik istripu lekura iritsi arte 20 minutu" behar izaten zituztela suhiltzaileek; eta, egun, bataz beste "6 minutu" behar dituztela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.