Muturreko fenomenoen iragarpena egin du Euskalmetek. Maila horia zehazten denean, orokorrean biztanleentzat ez dago arazo meteorologikorik, baina bai aktibitate zehatz batzuentzat. Ondorengoa zehaztu du Euskalmetek datozen bi egunetarako:
Asteazkena, hilak 29:
Abisu horia elurragatik barnealdean 09etatik 24etara ordu lokala. Elur maila 1.000-1.100 metro inguruan egongo da; egunak aurrera egin ahala jaitsi egingo da eta egunaren bigarren partean 600-800 metro inguruan egongo da; ekaitz-guneetan eta ekialdean noizbehinka baliteke 500 metrora jaistea. Zaparrada txiki-ertainak botako ditu, bereziki Kantauri isurialdean.
Trumoi-ekaitzak izan eta txingorra bota dezake. Aurreikusitako lodierak: 5-10 zentimetro 1.000 metroko altueran, 0-2 zentimetro 600 metrora, 0 zentimetro 200 metrora.
Tenperatura hotzenak gutxi edo nahikoa igoko dira. Tenperatura beroenak nahikoa jaitsiko dira. Arrasaten gutxieneko tenperatura 4 gradukoa izatea espero da eta gehienezkoa 8.
Osteguna, hilak 30:
Abisu horia elurragatik barnealdean 00etatik 24etara ordu lokala. Elur maila 500-700 metro inguruan egongo da goizaldean eta 700-800 metro inguruan gainerako orduetan. Zaparrada txikiak botako ditu, Kantauri isurialdeko zenbait lekutan eta noizbehinka ertainak, sarriago eta ugariago egunaren bigarren partean. Aurreikusitako lodierak: 5-20 zentimetro 1000 metrora, 0-1 zentimetro 600 metrora, 0 zentimetro 200 metrora.