Arrasatearrek joan den astean 2-1 galdu zuten Tolosan. Partidu lehiatua izan zen, detaile txikiek erabaki zuten norgehiagoka, eta, tolosarrak, 96. minutura arte izugarri sufritu bazuten ere, partidua irabazteko gauza izan ziren. Bihar, berriz, Davilaren eta Romeroren mutilek Touring hartuko dute, joan den astean Bergararen kontra 0-3 galdu zuen taldea. UDA, Garaipena lortu ezinka Aretxabaletak bost aste daramatza partidurik irabazi barik eta ez da ohikoa kategoriako erreferenteetako bat horrela ikustea. Joan den astean 0-0 egin zuten Irunen, eta domekan, hamaikagarren dagoen Amaikak Bat taldearen bisita izango dute. Bergarak (16 puntu) ikusgarri jarraitzen du; bihar Hondarribira hamaikagarren garaipenaren bila joango dira.