Debagoieneko Mankomunitateko Turismo Sailak, Deba Garaia Landa Garapenerako Elkarteak eta Arrasateko Udalak hirugarrenez antolatu dute postre lehiaketa, bertako gastronomiaren eta garaiko produktuen kontsumoaren sustapena egiteko helburuarekin. Izan ere, lehiaketan parte hartzeko postreak gutxienez honako osagaietatik bi izan beharko ditu: bertako urrak, intxaurrak, gaztainak, sagarrak, kalabaza eta eztia.
Norberak egindako postreak bakarrik onartuko dira eta postrea aurkezteaz gain, errezeta ere aurkeztu beharko da azaroaren 18an, goizeko 11etan Seber Altube Plazan. Izen ematea azaroaren 13a baino lehenago egin behar da turismo@debagoiena.eus helbidean edo 943796463 telefonoan. Bi kategoria desberdin izango dira: 12 eta 17 urte bitartekoak eta 18 urtetik gorakoak eta gozogintzan edo sukaldaritzan profesionalki ari direnek ezingo dute bertan parte hartu.
Lehiaketaren oinarriak eta informazio guztia hemen eskuratu daiteke.
