Sei zuzeneko emanaldi egingo dira Udagoieneko Ostera kultur zirkuituan, denak Bizkaian

Hemezortzi urte bete berritan etorri da, ostera, euskarazko Kultur zirkuituaren edizio berri bat. Euskaltzaleen Topaguneak, Bizkaiko Foru Aldundiaren laguntzarekin, sei zuzeneko emanaldi antolatu ditu, urriaren 21etik abenduaren 2ra bitarte, Bizkaiko antzoki banatan gozatzeko.

Musikaren eta antzerkiaren bueltan gozaraztea da Udagoieneko Osteraren helburua. Euskarazko kultur eskaintza Bizkaian hedatzea. Euskaltzaleen arteko harremanak artez, sormenez eta gozamenez, gertutik goxatzea.
Aurtengo zirkuituan, puntako musika eta antzerki lanak izango dira protagonista, erreferentzia diren euskal musikarien zuzenekoekin eta istorioak modu originalean kontatzen dituen antzerki berritzaileekin. Eta aurten ere euskaltzaleak sorgintzeko moduko kartelaz dator: Anari, Larregi taldearen eta “Hesian” taldeko Fran eta Zuriñeren akustikoa, Kepa Junkera eta Sorginaken “Maletak” ikuskizuna, Su Ta Gar taldearen zuzenekoa, Ez dok Hiru eta Miss Karaoke.

Zirkuituaren bigarren emanaldia egubakoitzean, azaroaren 10ean egingo da Igorren. Larregi eta Hesian taldeek eskainiko dute kontzertua. Lasarte aretoan hasiko da, 21:00etan. Sarrerak Interneten, Kutxabanken kutxazainetan eta aretoetan bertan erosi daitezke

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.